染髮後甩色是必然的事，只是遲早的問題，但其實有方法可以令嘗味期延長的，以下有幾個建議。
1.）避免過度使用高鹼染膏
很多人不知道染髮過程其實是包含「退淺」和「上色」兩個步驟，如果不停用高鹼度染膏重覆全頭染髮，頭髮底色就會越嚟越淺，到時即使染髮時揀深色，退色後都會變回淺色。
解決方案：不重複提淺不用提淺的地方，適時選擇退淺力低的染膏，或在需重複上色的部份使用「低鹼性染膏」。
2.）使用正確護色洗護產品
好多人鍾意清爽，每次都會用Deep Cleansing洗頭水洗頭，甚至乎聽過一啲男仔話用番梘洗頭沖涼爽到爆，但如果你有染髮的話，就會甩色甩得好很快！
解決方案：實驗證實，有效的洗護產品能使退色時間延長多達21+天，咁起碼喺下次染髮前靚多幾星期先！
3.）減少頭髮被水沖洗的機會
有唔少嘅客人因為易出頭油、愛整潔嘅關係，早晚都會洗一次頭，甚至乎一日洗三次都有，要知道水份沖刷頭髮會將色素慢慢帶走，洗咁多次頭一定會加快退色！
解決方案：的確有人會為咗護色而洗少啲頭，一日兩次變一日一次，一日一次變兩日一次，而可唔可以三日先洗一次，就睇個人情況吧。
另外游水、曝曬（UV會分解色素）都會使退色速度增加，所以游水就應該戴泳帽減低水份沖刷頭髮的機會，而防曝曬就戴頂防曬帽吧！
4.）慎用熱工具
風筒、直夾、曲髮棒等熱工具的高溫會立即（係立即！）使頭髮退色，尤其越淺/飽和度高的髮色越明顯！
解決方案：首先在使用熱工具前強烈建議大家先為頭髮搽上抗熱產品，且選用控溫性能好的熱工具，此舉除有效防止頭髮退色外，更能保護髮質免受高溫傷害！
而大部分熱工具都可調較溫度，風筒溫度因不同品牌而有所差異很難說準，但一般情況下，最高溫度都不會構成明顯退色，只要不定點吹著同一位置過久就可以。
而直夾和曲髮棒部份，由於是直接接觸頭髮的關係，建議非漂染人仕選擇約160-170度去造型，這已很少發生明顯退色情況；而漂染人士則先用140度嘗試能否造出理想效果，如果發現溫度不足，才逐漸每5-10度加溫，上限160度就要停，超過160度通常就會發生立即退色情況。
5.）漂染又點延長髮色呢？
由於漂後頭髮底色非常淺，所以退色會非常明顯，任何漂染顏色在退色後都會偏黃，如果加上髮質護理不當非常乾旱，成個MK Look就會出晒嚟！
解決方案：玩漂染其實避免唔到退色明顯嘅事實，但如果底色漂得足夠淺，原來退色後的黃會比較好睇，相信大家都有見過一啲灰金、沙金等等嘅色其實都不錯，主要原因係因為頭髮內影響顏色嘅色素已經很少，所以即使退色到90%，餘下10%嘅染髮色素都足以影響髮色，使其不會似MK黃/MK橙。
除此之外，補色專用洗洗護產品都可為頭髮保充色素，使其重添色彩，但留意返大部分同類產品的殘留色素，對下一次漂染多數都會有影響，可能對轉色有阻礙，經常想轉換髮色的人仕最好請教專業髮型師，睇下自己嘅情況適唔適合用該類產品。
除了以上建議，唔知你仲有冇其他睇法呢？有的話不妨留言討論一下，等小編我長長知識啊☺️
延申閱讀【2024染髮攻略】-第二篇-髮質受損篇篇-五個常見染髮問題，你遇過幾多個？
𝐇𝐀𝐈𝐑 𝐓𝐇𝐄𝐎𝐑𝐄𝐌
藍田/觀塘SALON💇🏻♀️💇🏻♂️
細心聆聽你嘅需要
如欲查詢報價請DM
🌟地址🌟
觀塘店：觀塘巧明街 115號柏秀中心24樓全層（Apm港貿出口側）
藍田店：藍田平田商場102號舖
預約電話/Whatsapp：27093128/55642356
網站預約——》》》》》》https://www.hairtheorem.com/appointment-預約服務/
Hair Theorem Facebook專頁：https://www.facebook.com/HairTheorem/
Hair Theorem Instagram：https://www.instagram.com/HairTheorem/